بسبب جارتي ام عين وحشه حصلي انا وجوزي؟_كامله

_بسبب جارتي ام عين وحشه حصلي.. 
الحلقه الاولي
 
سهير
جوزك ده اللي كان نازل من شويه..
سالي بقلق
ايوه هو جوزي اومال هيكون مين يعني...
سهير
ايوه هي دي الرجاله اللي تفرح مش ابو كرش اللي مش فالح غير كل شويه يقولي جهزيلي اكل يا بختك بجوزك..
خاڤت سالي وقالت 
في اييييه قولي الله واكبر وصلي علي النبي كده في قلبك حد بقول كده بس..
سهير
معذوره ما انتي مش مكاني عندي عيل اروق الشقه من هنا يخربها من هنا مش هادي زي اسم النبي حارسه اللي علي ايدك ولا حماتي دي قرشانه انما انتي حماتك بلسم..
سالي 
حتي حماتي هي كمان ماعدتش عليكي..

سهير 
اااه حياتك حلوه اووي وانتي نفسك حلوه وشبه الممثلين اديكيمخلفه وعامله زي القلم الرصااص لا كرش ولا ترهلات..
سالي 
بااس ارجوكي لو سمحتي اوعي تيجي هنا تاني لو سمحتي..
ودخلت سالي وقفلت الباب وبعدين لقيت ابنها سخن اووي. فكلمت اكرم وقالتله..
سالي 
الحقني يا اكرم انس سخن اوووي وتعبان جدا..
اكرم 
طيب جاي بس الاقي تاكسي واجي علي طول..
سالي بقلق 
تلاقي تاكسي ليه اومال فين عربيتك...
اكرم 
عملت حاډثه يا سالي والعربيه باظت خالص..
وقبل ما نبدأ حكايتنا اعرفكم علي بطلتنا النهارده واللي اسمها سالي وعندها خمسه وعشرين سنه وحيدة باباها ومتجوزه ومعاها ولد عنده سنه وفي يوم كانت عند باباها وقالت..
سالي
انا بجد يا بابا تعبت جدا منه اكرم لا بقي بيهتم بيا ولا بطلباتي..
حسن
يا شيخه حرام عليكي ده الراجل من وقت ما اتجوزتو انتي وهو وكل اللي نفسك فيه بيجيبهولك وعمره ما زعلك..
سالي
بس انا مش عجباني الشقه بتاعتنا دي وعجباني الشقه اللي شوفناها مع بعض وانا عند قراري لو عايزني ارجع يبقي نروح نسكن هناك...
حسن 
ما هو قال ان في واحده ساكنه هناك عينها وحشه وبتحسد انتي مش خاېفه علي نفسك وجوزك وابنك..
سالي
انا جوزي بيكدب وبيتلكك عشان ما يجبليش الشقه اللي عايزاها...
حسن 
انا مني لله عارفه ليه عشان ما عرفتش اربيكي طيب بصي لابنك اللي لسه ما كملش سنه ده ومتشحطط بينكم ..
سالي
يا سلام يا سي بابا هو فين اللي متشحطط ما انا اللي شيلاها وماشيه بيه..
حسن 
ما اللي ناقص كمان تخليه يمشي وهو لسه مش عارف يقعد كشفت راسي ودعيت عليكي يا شيخه..
سالي
طيب اتفضل بقي خد حفيدك حبيبك خليه معاك وانا داخله انام شويه..
حسن 
استني يا بت انتي هنا هو انتي تخلفي وانا اتدبس فيه..
سالي بدموع
يعني مش كفايه الليل كله صاحيه بيه وما فيش حد حتي هاين عليه يشيله شويه و..
حسن 
باااس اسكتي ادخلي نامي يا سالي والله انا خاېف علي الواد منك اصلا...
ودخلت سالي نامت وبالليل الباب خبط وراح حسن فتح ولقاه اكرم وناديه مامته..
حسن 
اهلا اهلا يا يا مدام ناديه اهلا يا اكرم نورتونا والله اتفضلو..
ناديه 
ربنا يزيد فضلك يا استاذ حسن تعالي يا اكرم ادخل..
ودخلو وقعدو وحسن قال
والله يا جماعه انا مش عارف اقولكم ايه بس سالي متدلعه شويه و..
ناديه بهدوء
ربنا يخليهالك وتدلع علي حسك انت وجوزها هي فين بقي عشان اكرم عايز يصالحها..
قبل ما يرد حسن طلعت سالي وقالت
لا معلش بس انا مش هتصالح يا طنط ليه عشان ابنك اناني ومش هامه غير مصلحته والله واعلم بقي مش عايز يسيب العماره اللي ساكنين فيها ليه..
حسن 
يا بت انتي ايه اللي بتقوليه ده عيب كده..
اكرم 
لا يا عمي سيبها تكمل المرشح بتاعها هاا هتقولي ايه تاني يا مدام..
سالي 
مش هرجعلك يا اكرم عشان انت بطلت تحبني..
اكرم 
ولو قولتك اننا هنمشي من هنا علي شقتنا الجديده اللي انتي عايزاها واني فرشتها وكل حاجه فيها جاهزه..
سالي فرحت وقالت 
اصلا الشنطه جاهزه دقيقه واحده هغير ل انس واغير هدومي وجيالك..
وبصت لباباها وقالت
هتوحشني يا ابو علي يلا بقي ما اجيلكش في حاجه وحشه...
قالت كلامها ودخلت اوضتها واكرم قال
والله العظيم ما فيش فيهة دماغ واسف يا عمي بس هي كده فعلا...
حسن 
معاك حق بس معلش بكره تعقل وهتشوف والله..
ناديه 
طيب والله سالي غلبانه وطيبه وانتو اللي مش عارفين تتعاملو معاها..
وفعلا رجعت سالي شقتها مع اكرم وكانت مبسوطه جدا وتاني يوم صحيت سالي علي صوت خبط علي الباب..
سالي
يا اكرم قوم شوف مين اللي بيخبط.
اكرم 
لا مش قايم مش كفايه طول الليل مش عارف انام من ابنك روحي شوفي انتي مين تلاقيها ماما..
سالي 
علي اساس اني جيباه من الشارع