اتجوزت مرات اخويا عشان اربيله ابنه واللي حصل؟

يفرض عليه قرار هو مش عايزه لقي موبيله بيرن رد وقال.. 
كارم _ايوه يا ندي..
ندي _مشيت ليه يا بيبي..
كارم _هتجوز...
ندي _نعم ياااا اخويا تتجوز يعني اي..
كارم پحده _انتي ازاي تكلميني انا كده انا حر يا ماما انتي اخرك معايا تظبطيلي مزاجي غير كده ملكيش اي قيمه عندي...
ندي بغيظ _طيب وانا هشوفك امتي بقي..
كارم بضيق _مش عارف النظام هيكون ازاي الفتره اللي جايه هشوف واقولك...
_قفل معاها وقلع جزمته ونام بهدومه..
_في اوضة كمال ونجوي كانت بتنيم في ولادها التوأم وهي مدايقه فسالها كمال اللي كان عنال يراجع في اوراق الشغل وقال..
كمال _مالك يا نجوي...
ردت عليه پحده _هيكون مالي يعني ماليش...
كمال _وبتعلي صوتك ليه ولا انتي عايزه يتنكد عليكي يعني...
دمعت عيونها وردت عليه بحزن وقالت _حقك تعمل اكتر من كده مانا هم تقبل علي قلبك...
رمي الاوراق من ايده وزعق فيها _انتي عايزه اي يعني فليلتك دي عشان انا خلقي دايق ومس طايق نفسي...
بصتله بسخريه وردت عليه وقالت _طبعا ما انت لو كنت متجوز اللي علي مزاجك كان زمانك رايق...
شدها من دراعها جامد وقال بغيظ _كلام كارم عو اللي غيرك صح..
بعدت عنه وقالت بدموع _ايوه عشان كلامه صح انت كنت متجوزني عشان ترشي ابوك وامك بنت عمك بقي ويتيمه ملهاش حد اتجوزها يا كمال وكمال مش بيقول لابوه لا فقال حاضر واهي جوازه وخلاص...
كمال بضيق _ اطفي النور يا نجوي وانا رايح انام ولو سمعت صوتك تاني يمين بالله لاخليكي تتنكدي كويس انا مفيش دماغ للدلع والكلام الفاضي ده..
_راح نام وهي طفت النور وراحت نامت وهي بټعيط بس ما نمتش جنبه نامت علي الكنبه وهو بصلها بعصبيه بس مرضيش يقوم يتخانق معاها عشان عيالهم اللي لسه عندهم شهور ميتفزعوش..
_تاني يوم في بيت اهل هيام كانت قاعده في اوضتها ولابسه عبايه سودا وحاطه طرحه سودا وماسكه صورة جوزها وپتبكي وقالت بصوت حزين..
هيام _تعالي يا علي شوف اهلك بيعملو فيا اي بعد منك عيجوزوني كارم اللي كنت ديما بتقولي متكلمش معاه لانه مش كويس...
_سكتت وسرحت فاللي حصل من تمن شهور عدو...
فلااااااااااش بااااك..
_كانت هيام نايمه جنب علي جوزها وصحيت عشان تشرب بس مالقيتش مايه فلبست الروب بتاعها وقغلته كويس و حطت طرحه علي راسها ونزلت عشان تجيب ماشيه...
_نزلت المطبخ وفتحت التلاجه وطلعت قزازة مايه وشربت وحات تطلع اوضتها تاني لقيت كارم في وشها ولسوء حظها كانت طرحتها واقعه من علي شعرها فرفعتها بسرعه ودي كانت اول مره تشوفه من لما اتحوزت لانه علي طول مسافر...
هيام بتوتر _ااا انت كارم صح..
بصلها من فوق لتحت وسألها _انتي مين خدامه جديده...
هيام بغيظ _خدامه في عينك انا هيام مرات علي اخوك...
ضحك كارم ورد عليها وقال _اااه سوري مختش بالي يا هاجر...
اتنهدت هيام وقالتله _هيام ياا بني ادم ركز شويه..
_جات تطلع اوضتها بس وقفت لما سمعته قالها بخبث...
كارم _انتي ايه اللي رماكي في الهم ده هنا يا بنتي..
بصتله هيام وسألته وهي مش فاهمه قصده _انت تقصد ايه مش فاهمه...
رد عليها كارم وقال _يعني اللي سمعته عنك انك متعلمه وكنتي شغاله في شركه بعني مثقفه اي اللي يخليكي تتجوزي واحد في ارياف وخنقه وقعده في البيت....
ردت عليه هيام بثقه وقالت _عشان بحبه وهستحمل عشانه اي حاجه..
قرب منها وقال بسخريه _اكتر اسم صح للحب الكدبه الحقيقيه اي حد بيخترعها عشان يتحمل حاجه فوق طاقته....
هيام بضيق _انت طلعت فعلا زي ما سمعت عنك متمرد ومش طبيعي...
ضحك وقال وهو طالع من المطبخ _معاكي حق انا فعلا بالنسبه للبلد دي واللي فيها واللي بيحبهم مش طبيعي...
_سابها ومشي وهي فضلت قاعده بتفكر في كلامه وبعدين طلعت اوضتها لقيت علي صحي وسألها..
علي _انتي كنتي فين يا حبيبتي..
هيام _مكنش في مايه ونزلت اشرب وانا وفي المطبخ شوفت اخوك كارم...
علي_هو جه يا ساتر استر بقي....
هيام _لي بتقول كده..
علي _هتشوفي بكره بنفسك المشاكل اللي هتحصل بينه وبين بابا...
هيام _هو قالي كلام غريب هو ليه بيكره البلد دي..
علي _بصي يا ستي كارم كان بيحب بنت في البلد هنا من وهو صغير ولما كان عندهم 18 سنه اهلهم حوزوها راجل كبير وسافرت معاه دبي
وهو من بومها كىه البلد واللي فيها وخصوصا بابا عشان مرضيش يخليه يخطبها لانه كان صغير وكمان البنت دي واهلها مش كويسين بيبعو بناتهم لناس غنبيه وبيفولو اتجوزو...
هيام بحزن _تصدق صعب عليا اووي..
ضحك علي ورد عليها وقال _ميصعبش عليكي غالي يا حبيبتي المهم خليكي بعيد عن كارم ده دماغه وحشه فبلاش تتكلمي معاه خالص ولا تتعاملي معاه تمام يا هيام...
هيام بهدوء _حاضر يا حبيبي اللي تشوفه..
_باااااك..
_حصنت هيام الصوره وفضلت تبكي وبعدين دخلت مامتها وقالتلها بهدوء...
ام هيام _قومي يلا يا بنتي حماكي الحج فتحي وابنه كارم بره بس كارم ابنه ده مش شبهم حتي لبسه وطريقة كلامه غيرهم...
ردت عليها هيام پبكاء وعصبيه _داهيه تاخدهم كلهم واخلص منهم...