اتجوزت مرات اخويا عشان اربيله ابنه واللي حصل؟
وعليه حراس شكلهم يخوف...
_اول ما دخل بيته لقي ابنه الكبير قاعد هو وابنه ومراته ونعاهم امه راحتله مراته الي كانت ست كبيره وقالت...
ثريا بهدوء _حمد لله علي سلامتك يا حج الف حمد لله علي سلامتك يا حج...
فتحي بابتسامه واسعه _اهو كده الروح ردتلي لما شوفتك يا ام العيال...
قال ابنه الكبير كمال _اي ياا حج اعمل حساب اننا قاعدين طيب...
ضحكت ثريا وقالتلها _ لا يا نجوي معلش كمال والف زيه لو قعدو عمرهم كله يتفرجو علي الحج مش هيبقو ربعه...
باس فتحي راسها وقال _تسلميلي يا غاليه...
اتنهد كمال وقاله بضيق _امم افضل انت اعمل كده وانا هيتنكد عليا عشان مش زيك...
قعد فتحي ع الكنبه هو ومراته وقاله پحده _عشان انت غشيم ومش عارف تسير امورك...
اتنهد فتحي ورد عليها _راسها ناشفه بس لويت دراعها هي واهلها ووافقت...
نجوي بحزن _يا عمي والله هيام غلبانه وكانت بتحب المرحوم علي الله يرحمه ومستحيل تتجوز بعده...
رد عليها كمال پحده وقال _لا يا نجوي مينفعش هيام صغيره وحلوه ومش هتفضل طول عمرها قاعده علي بنتها ابويا معاه حق هي لازم تيجي هنا وبنت اخويا تتربي وسطينا...
فتحي پحده _جرا ايه يا ثريا تاني انا بعمل اللي يريح ضميري بيني وبين ربنا وكارم ولدك مهيتلمش ويبطل صرمحه غير لما يتجوز...
_دخل في الوقت ده كارم وكان ماسك الجاكت بتاع بدلته في ايده وبيقلب في موبيله وطلع علي اوضته من غير ما يكلم حد بس وقف لما فتكي قام وزعق فيه..
اتنهد كارم ورد عليه وقال _كنت في اسكندريه مع صحابي في حاجه يا يحج...
فتحي بغيظ _ومقولتش ليه انك مسافر مش عايش مع بني ادمين ولا مش عاملنا قيمه..
ضحك كارم ورد عليه بسخريه وقال _هو حضرتك لامؤخذه يعني بتكلم عيل صغير يا حج بطل بقي الحركات دي ده انا بقيت اطول منك....
زعق فيه فتحي وقال _عندك ياا ولد انت هعديلك اي حاجه غير انك تبجح فيا ي قليل الادب...
فتحي بعصبيه _هي كلمه ومش هتتكرر تيجي معايا بكره وتكتب علي هيام...
ضحك كارم بسخريه وقاله _ليه من قلة البنات اتجوز وحده زي هيام...
ثريا پحده _عيب عليك يا ولد دي كانت مرت اخوك...
كارم بعصبيه _انا مش عيل صغير عشان اتجوز وحده انتو تختاروها ليا بقولك اي انت عندك كمال اهو اتجوز نجوي اللي انت اخترتهاله جوزو بقي هيام هيقولك حاضر..
فتحي بهدوء _هات يا ولد انت مفاتيح عربيتك...
كارم بسخريه _انت كده بتعاقبني يعني..
فتحي _لا يا حبيبي عقاپي انت صغير اووي علي انك تتحمله انا بس هخليك راجل وتعتمد علي نفسك بدل ما انت بقيت شحط كده وبتاخد مصروفك مني...
قلق كارم وسأله _يعني اي..
زعق فيه فتحي _يعني تجيب مفتاح العربيه وكل كروت السحب اللي معاك وتطلع بره البيت وبره البلد كلها ووريني هتبقي راجل ازاي لتكون فاكر الرحوله انك تعلي صوتك وتبجح في اللمبر منك او تسهر وسط الحيرم وتقضي ليالي كلها حرام في حرام كده انت كبرت وبقيت راجل تبقي غلطان الراجل اللي ياكل لقمته من قوته وتعبه مش يصرف ويعمل راجل بفلوس ابوه وشقي اخواته...
اتعصب كارم ورد علي ابوه بغيظ وقال _والمطلوب..
فتحي پحده _بكره الصبح تقوم بدري وهنروح القاهره هتكتب علي هيام وهتجيبها وتيجي هنا تديها كل حقوقها ومتقصرش في اي حاجه لا هي ولا بنتها اللي هتبقي بنتك...
كارم بهدوء _تمام بعد اذنكم بقي هطلع انام عشان اقدر هصحي بدري ونروح نكتب الكتاب يا حج...
_طلع اوصته واول ما طلع قفل الباب جامد وكان متعصب جدا هو عنيد واكتر حاجه بيكرها ان حد
