بسبب اللي حماتي عملته مالقناش مايه نغسلها بيها

_ بسبب اللي حماتي عملته ما لقيناش مايه نغسلها لما ماټت. 
عمر الجبروت والقسۏه والاهانه ما بيخلقو رحمه في قلب حد، بالعكس بيحولو الملاك لشيطان ممكن يعمل اي حاجه عشان ياخد حقه، وده اللي حصل معايا بعد اللي شوفته من حماتي عملت فيها حاجه بشعه ما حدش يتصورها..

ـ السلام عليكم ورحمة الله وبركاته

قبل ما نبدأ حكايتنا اعرفكم بنفسي انا اسمي علا وعندي اربعه وتلاتين سنه متجوزه ومش بخلف ربنا ارد اني ما ابقاش ام...

حاولت انا وجوزي نخلف باي طريقه روحنا لدكاتره وسافرنا بره مصر بس كانت عندي مشاكل كبيره جدا في الرحم تمنعلي اني اخلف نهائياً..

وطبعا زي ما قولت احنا سافرنا بره مصر عشان نخلف معني كده ان جوزي مرتاح، لا لا مش جوزي اللي مرتاح مادياً دي مامته ست كبيره بس قادره اووي..

انا واختي اللي اصغر مني كنا عايشين في بيت بسيط مع ابويا وانا اتجوزت ولما ابويا ماټ اختي جات وقعدت معانا..

انما بقي حماتي فا كانت شديده اووي وقاسيه جدا، ابنها اللي هو جوزي كان ما عندوش شخصيه خالص واي حاجه تقولها ليه حماتي يقول حاضر..

دي حتي برضو كانت بتحكم عليه يبات عندي في الاوضه امتي وما يباتش امتي، وهو كان بيقولها حاضر، وفي هدومي برصو كانت بتحددلي البس ايه وما البسش ايه وكنت لما مش بسمع كلامها بتضربني..

انا كان شكلي حلو حتي اني كنت احلي من اختي الصغيره وابان اصغر منها واحلي من اخوات جوزي وده كان مخلي حماتي ديما بتعاملني اوحش من المعامله الوحشه بتاعتها اللي في العادي..

حتي مره اتقدم عريس لاخت جوزي الصغيره ولما جه العريس وامه وشافوني فكروني العروسه وقتها حماتي دخلتني المطبخ وخلتي ادهن وشي كله من سواد الحلل وكبت عليا خل وحلتني اطلع قصادهم تاني وقالتلهم اني مش في عقلي واني بعمل تصرفات مش طبيعيه..

طبعا فكرت اطلق وقولت لازمتها ايه اللقمه اللي عندها مدام جايه بزل واهانه يبقي بلاش منها وجوزي مش هيفرق معاه..

بس هي رفضت دي كمان راحت اشترت البيت بتاع ابويا من عمي وجابت اختي عندي عشان تكسر عيني وقالتلي لو اطلقت مش هاخد حاجه عشان انا اللي طالبه الطلاق غير اني هترمي في الشارع ومن هنلاقي انا واختي العيش الحاف ناكله..

ورضيت بعيشتي عندها انا واختي، لحد. ما في يوم جات وقالت لجوزي يطلقني وهو من غير ما يسأل ليه طلقني والمصېبه مش هنا، الكارثه انها جابت عقد جواز عرفي لاختي وخلتها اتجوزت ابنها وغصبت اختي توافق بعد ما هرتها ضړب..

الموضوع كله انها كانت عايزه ابنها يخلف وانا طبعا ما كنتش بخلف وعشان كده هتجوزو اختي، بس اللي كان في نيتها انها ما تقولش لحد انهم طلقوني انا وهتخلي ابنها يتجوز اختي