جوز عمتي ـ الاخيره

انت في الصفحة 1 من 5 صفحات

الحلقه الاولي

وقبل ما نبدأ حكايتنا اعرفكم علي بطلتنا النهارده واللي اسمها فرح وعندها عشرين سنه وعايشه مع مامتها وفي يوم حصل..
االام
بقولك ايه انتي عمتك جايه تاخدك
فرح
بجد. هروح اقعد عند عمتو وعمو حسين يومين بجد انتي متعرفيش انا مخنوقه ازاي وكنت عايزه اغير جو فعلا .
الام
لا يروح امك انتي هتقعدي عندهم علي طول..

فرح
مش فاهمه يا ماما انتي قصدك ايه بالظبط..
الام
هو ايه اللي قصدي ايه بقولك هتروحي تقعدي عند عمتك علي طول فين اللي مش مفهوم في كلامي..
فرح بدموع
ليه طيب يا ماما هو انا كنت زعلتك في حاجه..
الام
لا يا حبيبتي بس انا لسه صغيره ومتقدم ليا عريس حلو اووي وكويس ومرتاح ولنا لازم اسافر معاه..
فرح

طيب ما تاخديني معاكي يا ماما انا ما اقدرش اعيش من غيرك والله..
الام
لا هتقدري عمتك مش معاها عيال وبتحبك وجوزها كويس وهيبقي زي بابا وانتي عارفه أنهم
بيفرحوا لما تعيشي معاهم
فرح
بس انا مش عايزاهم هما يا ماما انا عايزاكي انتي..
الام
يووه بقي انا تعبت اووي من كلامك ده كفايه من لما ابوكي راح وانا قاعده بربي فيكي ارحميني انا عايزه اشوف حياتي..

_ دخلت فرح اوضتها وكان عمرها في الوقت ده 17 سنه وفضلت ټعيط وبالليل جات عمتها سماح وقالت..
سماح
جرا ايه يا مرات اخويا هو انتي هتوصيني علي بنت الغالي الله. يرحمه ده انا ماليش غيرها وبقول ربنا عوضني في خلفة اخويا..
الام
وده العشم برضو يا حبيبتي انا برضو ما امنش علي البت مع حد غريب وانتي عمتها واولي بيها..

سماح
قصدك ايه بحد غريب دي يا ست انتي هو انتي كنتي ناويه تعملي ايه في البنت..
الام
ولا حاجه انا كنت هدخلها مدرسه داخليه لحد. ما تكبر اكون شوفت ليها عريس ونخلص..
سماح
لا وعلي ايه انا هاخد بنت اخويا وانتي ربنا يتمملك بخير ويسعدك...
_ وفعلا الام اتجوزت وسافرت وفرح روحت قعدت مع عمتي وجوزها في البيت وكانت في البيت جدة فرح الست الكبيره اووي في السن..

وفي كانت سماح قاعده مع حسين جوزها اللي كان مدايق وقالها....
حسين
وبعدين يا سماح البت اللي جوه دي مزعلاني اووي علي طول كده قاعده لوحدها وقافله علي نفسها.
سماح
والله يا حبيبي انا بدخل اتكلم معاها كل يوم وهي بس متحفظه وقافله علي نفسها اووي وعلي طول ماسكه الموبيل..
حسين
علي العموم انا اتفقت ليها مع مدرسين هيجو ياسسوها في اللغات عشان انا هحول ليها من المدرسه الحكومي اللي هي فيها لمدرسه خاصه..

سماح
انت طيب اووي يا حسين والله لو ابوها نفسه مش هيعمل اللي انت بتعمله ده...
حسين
يعني يا سماح مش لو كنا خلفنا كان زمانا معانا عيل دلوقتي اهو ربنا كرمنا بفرح وربنا يقدرنا ونعوضها عن غياب ابوها وامها..
سماح
ربنا يخليك لينا يا حبيبي هدخل انا افرح ماما بالخبر ده..
_ وقامت سماح ودخلت عند مامتها وقالت. وهي مبسوطه اووي..
سماح
شوفتي يا ماما حسين عمل ايه...
ااجده
ماله يا بنتي حسين عمل ليه جوزك..
سماح
لا لا ما تقلقيش يا ماما خير ده هو قال بس انه
هيحول لفرح من المدرسه الحكومه لمدرسه لغات خاصه..
الجده
اصيل اهو ربنا عوضكم يا بنتي عن قلة الخلفه بالبت فرح...
سماح
معاكي حق يا ماما واحنا والله مش هنخليها محتاجه حاجه ابدا..
الجده
لا يا بنتي الاهم من الحاجات التربيه دي بنت ومحتاجه تربيه واهتمام فاهمه يا سماح دي امانه من اخوكي الله يرحمه..
سماح
ماشي ماما مش عايزاكي تشيلي اي هم خالص
وبعد كام شهر جهزت فرح وكانت رايحه المدرسه الجديده ولما طلعت كانت مبسوطه وقالت..
فرح
ها يا عمتو ايه رئيك في لبس المدرسه الجديد..
سماح
حلو اووي يا حبيبتي عقبال ما تلبسي لبس التخرج..
حسين
تخرج وبعدها تلبس فستان فرحها..
فرح اتكسفت وقالت
ربنا يخليك يا عمو انت وعمتي انتو فعلا عوضتوني عن ابويا وامي..
حسين
طيب روحي انتي بقي يا سماح فطري ماما وانا هاخد فرح وفي طريقي هوصلها للمدرسه..
فرح انبسطت وقالت
بجد يا عمو انت كمان هتوصلني لحد المدرسه بنفسك..
سماح
طبعا يا حبيبتي هو عنده اغلي منك...
_ ونزل حسين واخد معاه فرح وراحو المدرسه وقبل ما تنزل فرح مسك. حسين ايدها وقال..
حسين
خلي بالك يا حبيبتي ولو حصلت اي حاجه تكلميني
الموبيل اللي جيبتهولك معاكي...
فرح
ايوه يا عمو معايا يلا بااي... ونزلت فرح وحسين بصلها وقال..
حسين
هانت يا فرح