جدتي وعمتي فرقو بيني وبين جوزي _الاول
انت في الصفحة 3 من 3 صفحات
مين بقي العريس ده انا اعرفه..
هاله
الله يبارك فيك يا خالو ايوه انت تعرفه ده البشمهندس محمد ابن الحج توفيق..
فوزي
ايه اللي اعرفه ده انا كنت صاحب ابوه الروح بالروح واسمع عنه انه ولد متربي وابن ناس..
الجده
يعني نرد علي امه ونقولها يجو يوم الخميس الجاي..
فوزي
علي بركة الله وقولولي المعاد بالظبط وانا هاجي علي طول عشان اقعد واتفق معاهم....
بس بقولك ايه يا فوزي مش مسمحاك لو قولت حاجه لمراتك او بنتك احنا عايزين الموضوع يتم مش عايزين عين حد تخربه..
فوزي بضيق
انا بنتي ومراتي يفرحو بهاله يا امي..
نعمه
ايوه طبعا اومال بس امي قصدها لما يبقي الموضوع يعني نبقي نقول..
فوزي
حاضر يا نعمه انتي وامي اللي تشوفوه
وعند نور اتملت عيونها دموع وصدقت ان محمد جاي يخطب بنت عمتها وطلعت موبيلها وعملتله بلووك..
محمد
هي المجنونه دي اما عرفت اني رايح اخطبها دماغها اتلحست ولا ايه..
فاطمه
مالك يا حبيبي انت الفرحة خلتك تكلم نفسك ولا ايه..
محمد
لا مش بكلم نفسي المهم هو احنا ليا هنقابلهم في بيت الست نعمه ما نروحش ليه بيت الاستاذ فوزي..
مش عارفه ده اللي قالتهولي الست نعمه انا كنت لسه هسألك هي نور ما قالتلكش السبب..
محمد بضيق
مش عارف ما قالتش السبب يلا بينا بس نروح المشوار بتاعنا وربنا يستر..
وبعد شويه كان محمد ومامته قعدين مع فوزي وعيلته..
فاطمه
اومال فين مدام ناهد يا استاذ فوزي انا كان نفسي اشوفها اوووي..
ادايقت نعمه وامها وفوزي قال
قالت فاطمه لمحمد بصوت واطي
هو ده ينفع طيب ام العروسه ما تجيش كمان...
محمد
مش عارف بقي يا ماما انا قلبي مش مطمن اصلا وحاسس ان في حاجه..
الجده
وانت بقي يا محمد هتقعد مع الست والدتك ولا هاقعد لوحدك..
محمد
لا انا هقعد لوحدي في شقتي هي في الدور الخامس وماما تحت في الدور الاول...
طبعا لازم تبقي ساكن جنب الحجه هي ليها غيرك اومال..
فاطمه
اومال فين عروستنا طيب احنا عايزين نسلم عليها ونشوفها..
الجده
اوي اوي يا حبيبتي قومي با نعمه اندهي لبنتك..
بص محمد لمامته پصدمه وكمان فاطمه اللي ما كانتش فاهمه حاجه وجات هاله سلمت عليهم وقعدت جنب مامتها...
هو احمم هو تقريبا في سوء تفاهم حضرتك..
فوزي بضيق
سوء تفاهم لايه بالظبط انت مش جاي تخطب هاله بنت اختي..
فاطمه
يا استاذ فوزي انا جيت قولت للست نعمه اننا عايزين نقابلك ونزورك انت في بيتك بس انا لقيتها بتقولي نيجي هنا...
محمد
ماما كانت جايه وفي نيتها ان العروسه تبقي الانسه نور بنت حضرتك...
قامت هاله ودخلت جوه وهي بټعيط ونعمه قالت پحده..
نعمه
نعمممم ومين نور دي كمان اللي هتسييبو بنتي انا الدكتوره عشانها..
فوزي پحده
نعمه اسكتي خاالص وما اسمعش
صوتك ابدا..
نعمه
ماااشي يا اخويا سكتت اما نشوف بقي هتتصرف ازاي..
محمد
لو سمحت يا استاذ فوزي انا طالب من حضرتك ايد نور وده اللي جايين عشانه انا وماما..
الجده
انت شوفتها فين ان شاء الله ولا البت ماشيه معاك وهي اللي قالتلك تيجي تعمل المقلب ده فينا..
فوزي بعصبيه
لو سمحتي يا امي بلاش كلامك ده وياريت تحترمي ان اللي بتتكلمي عليها دي تبقي بنتي..
نعمه
بقولك ايه يا اخويا انا مش عايزة الناس دول في بيتي بعد ما كسرو قلب بنتي..
فاطمه
انتي اللي فهمتيني غلط وبعدين يا ست نعمه بنتك او بنت اخوكي ما الاتنين واحد..
نعمه
لا مش واحد انا بنتي ما فيش زيها..
وقف فوزي وهو مدايق وقال
لو سمحت يا ابني انا بعتذرلك انت ووالدتك جدا وحقكم علي راسي وانا هستناك بكره في المدرسه اللي شغال فيها نتكلم ونشوف الموضوع ده...
محمد
حاضر يا عمي وانا اسف جدت برضو علي سوء التفاهم ده...
خلص كلامه واخد مامته ومشي وفوزي فضل يتكلم مع امه واخته وقال..
فوزي
انا مش فاهم انتو ليه عاملين كده بقي دلوقتي محمد ده وحش ومش مناسب لما جه لبنتي وكان ما فيش منه وهو جاي لهاله..
نعمه
هي كلمه يا فوزي لو انت جوزت بنتك الواد ده تنسي اني اختك...
الجده
اختك معاها حق ده كان جاي لهاله والمفروض يتجوز هاله..
فوزي
هوو بالعافيه اروح اقوله والنبي تعالي اتجوز بنت اختي وسيبك من بنتي..
الجده
انت قصدك ايه بالكلام الفاضي ده..
فوزي وقف وقال
قصدي ان لو العريس ده مناسب لبنتي وبنتي موافقه بيه انا مش هرفضهةبعد اذنكم عشان ما اتاخرش علي مراتي وبنتي..
قال كلامه واخد بعضه ومشي وقالت نعمه
شوفتي يا ماما هي ناهد وبنتها عايزين مننا ايه...
طلعت هاله وقالت
نور السبب هي لما كانت بتيجي عندنا كانت بتبقي واقفه في البلكونه وهو بيبقي في الشارع وبيتكلمو قي الفون شوفتهم اكتر من مره وقولت يمكن انا فاهمه غلط..
الجده
اصبري انتي وهي اخوكي مش هيهون عليه يقطعنا عشان عريس لبنته..
نعمه
ماشي يا ماما اما نشوف اخرتها مع ناهد وبنتها بقي..
