جدتي وعمتي فرقو بيني وبين جوزي _الاول
بتبصلها بشماته..
الجده
جرا ايه يا بنت ناهد ما كنتيش عايزه تطلعي من اوضتك تسلمي علينا ولا ايه...
نور
لا طبعا يا تيته ازاي تقولي كده انا بس كنت بذاكر ومندمجه في المذاكره بتاعتي..
ضحكت عمتها نعمه وقالت
هههههه هي الكليه بتاعتك دي بيذاكرو فيها يا حبيبتي انا مش عارفه اصلا لازمتها ايه كلية التجاره دي..
اومال لو كنتي في كلية الطب زيي كنتي عملتي ايه يا نور..
نور بضيق
طب خاااص يا هاله ولا نسيتي اني جيبت اكتر منك في الثانويه بس عشان ظروف بابا انا دخلت تجاره انما انتي اشتريتي التعليم بفلوسك وعلي الله بقي تفلحي فيه كمان..
نعمه
ما تحترمي نفسك يا نور جرا ايه يا ناهد ما تعلمي بنتك الادب..
هتقولي لمين حسره عليك يا ابني لا ليك حظ في جواز ولا في عيال..
ناهد بضيق
عيب كده. يا نور...
نعمه
هو ده يا اختي اللي قدرك عليه ربنا علي العموم انا عارفه كويس انك انتي وبنتك بتغيرو مني ومن بنتي..
ناهد بحزن
ولازمته ايه الكلام ده بقي يا نعمه ما ربنا هو اللي بيكرم وكل واحد راضي بحاله...
قولي لنفسك يا حبيبتي بدل ما الحقد ملاكي من ناحية بنتي وبنتها وكمان خليتي بنتك زيك..
نور بغيظ
هو احنا هنغير منك يا عمتي انتي وهاله علي ايه يعني والله عندك عمره ما يملي عنينا..
نعمه
اومال ايه يا بنت اخويا اللي يملي عينك عايزه مال قرون ولا ايه بالظبط...
نور
الجده
علي العموم احنا مش جاين نتكلم في اللي عندنا واللي عندكم انا جايه عايزه ابني..
ناهد
هو في الشغل زمانه علي وصول يا حماتي اشربو بس العصير الاول يكون جه ونتغدي سوا..
العمه
ويا تارا بقي طبختي ولا خلتيه يجيب ليكي اكل جاهز..
لا جيبنا اكل جاهز مدام معانا فلوس وربنا فارجها نتعب نفسنا ليه ونطبخ..
الجده
ايوه ما انتي وامك مصاريفكم كتير وهديتو حيل ابني...
وقبل ما ترد نور دخل فوزي باباها اللي كان لسه راجع من شغله وقرب منهم وقال..
فوزي
يا اهلا وسهلا وانا اقول البيت منور ليه ازيك يا امي عامله ايه يا حبيبتي..
الجده
لا والله لسه فاكر ان ليك ام يا فوزي تسأل عليها علي العموم انا كويسه..
طيب من غير زعل هو مش انا قولتلك تيجي اقعدي معايا هنا وانتي اللي رافضه وقاعده عند نعمه..
الجده
يا ابني هو انا فيا صحه لمراتك وبنتك عشان اقعد هنا عندكم..
نعمه
قصدها تقولك عادي يا فوزي عندي او عندك واحد.
قامت نور وقالت
انا داخله اساعد ماما في تجهيز الغدا...
وبعد ما دخلت نور المطبخ سمعت نعمه بتقول بصوت واطي..
نعمه
بقولك ايه يا فوزي يا اخويا قبل مراتك وبنتك ما يبصو في الموضوع انا في عريس متقدم لهاله بنتي..
فوزي فرح وقال
بجد الف مليون مبروك يا نعمه وربنا يتمملك بخير يا هاله ويطلع
