جدتي وعمتي فرقو بيني وبين جوزي _الاول
انت في الصفحة 1 من 3 صفحات
_ جدتي وعمتي فرقو بيتي وبين جوزي وعملو..1
وقبل ما نبدأ حكايتنا اعرفكم علي بطلتنا واللي اسمها نور وعندها عشرين سنه وعايشه هي ومامتها وباباها وكانت حياتها هاديه وحلوه جدا لحد ما في يوم حصل..
ناهد
يا نور قومي يا حبيبتي يلا عشان نروق البيت قبل ما جدتك و عمتك وبنتها يجو..
نور
ما يجو يا ماما والبيت نضيف احنا كل يوم بنروق اصلا..
انتي مش عارفه عمتك وجدتك يعني يا نور دول لو شافو نموسه هيفضلو يدوني محاضره في النضافه..
نور
حاضر يا ماما قايمه اهو وبعدين هما ايه اللي جابهم يعني..
ناهد
مش عارفه هما كلمو ابوكي وقالو انهم جايين يتغدو معانا...
نور
كمان غدا لا والنبي يا ماما انا عندي مذاكره..
ناهد
يا حبيبتي انا هطبخ وانتي روقي واصلا هعمل حاجات بسيطه والباقي بابا هيجيبه من بره..
تمام يا ماما هروح البس هدوم المرمطه وجيالك حالا..
ضحكت مامتها وهي دخلت غيرت هدومها وفضلت تروق لحد ما موبيلها رن وكان محمد حبيبها..
نور
مسا مسا يا كبير..
ضحك محمد وقال
نور معايا ولا سواق توكتوك..
نور
اخص عليك يا محمد المهم انت مكلمني ليه هو انا مش قولتلك ما تكلمنيش تاني غير لما تيجي وتخطبني..
محمد
نور
لا ليه بس بتسأل هما جايين يتغدو عندنا النهارده وتيته كمان..
محمد
كده فل اووي يلا بقي اقفلي عشان نازل الشغل هو انتي ايه اللي مصحيكي بدري اصلا...
نور
ما انا بقولك يا ابني عمتي وبنتها هاله وتيته جاين يتغدو عندنا النهارده..
محمد
تمام خلاص مش هعطلك عشان تشوفي اللي وراكي وانا كمان رايح شغلي..
فاطمه
صباح الخير يا حبيبي تعالي افطر يلا..
محمد
صباح النور يا ماما قوليلي الاول قبل ما افطر هو حضرتك قولتي لعمة نور تاخدلنا معاد. من الاستاذ فوزي..
فاطمه
ايوه والله والست كانت فرحانه جدا شكلها طيب وبتحب اخوها وبنت اخوها..
محمد
فاطمه
با ابني مصارين البطن بتتخانق المهم هي هترد عليا النهارده واحنا نروحلهم علي الخميس..
محمد
انا والله كنت عايز اقابل الراجل لوحدي الاول بس قولت الستات ليها داخله كده بتسهل المواضيع..
ضحكت فاطمه وقالت
محمد
ويخليكي ليا يا احسن ام في الدنيا..
وفي بيت نور كملت ترويق الشقه وبعدين غيرت هدومها وفضلت تذاكر في اوضتها لحد ما دخلت مامتها وقالت..
ناهد
يلا يا نور يا حبيبتي عمتك وجدتك جم بره تعالي عشان تسلمي عليهم...
نور بضيق
ما بلاش يا ماما والنبي خليها لما يجي بابا انما دلوقتي هيفضلو يقولو كلامهم اللي يسم البدن ده..
ناهد
اومال يعني هتسبيني لوحدي معاهم ولا ايه..
نور قامت وقالت
لا طبعا انا جايه معاكي اهو يا ماما...
وطلعت نور سلمت علي جدتها وعمتها وبنت عمتها اللي كانت
