خليت مرات ابني تبوسلي علي رجلي 2 بقلم رحاب القاضي

خليت مرات ابني تبوسلي علي رجلي٢
محاسن بغيظ _
شوفي البنت بقي دي اللي كانت عامله فيها غلبانه ومنكسره ايام الخطوبه...
فاطمه _
والله مش وحدك يا حماتي اللي مصدومه فيها بس في ايدنا ايه نعملها لازم نستحملها..
محاسن _
وليه نستحملها بقي ده بيتي انا وجوزها ده ابني انا وتعيش هنا علي مزاجي انا...
فاطمه وهي بتمثل الحزن _
ما هو انا بقولك نستحملها عشان خالد ده زعق فيكي وفي سيد اخوه الكبير عشانها ومش بعيد تبقي هي اللي عامله كده عشان تخلي خالد ياخدها ويجيبلها شقه بره وبعدها مش بعيد شروق تقولك وهي احسن مني في ايه وتاخد سيد وتمشي..

محاسن بقلق _
طيب والعمل يا فاطمه شوري عليا يا بنتي..
فاطمه بخبث _
احنا مش هنعملها اي حاجه بس هنعودها علي العيشه معانا وعلي بيتنا وانا هقولك ازاي بس تسمعي كلامي..
_تاني يوم جه معاد الغدا فنزلت علا وهي لابسه عبايه جديده برضو واول ما فتحتلها فاطمه علا مكلمتهاش ودخلت علي طول فاتغاظت فاطمه اكتر منها وبعدين دخلت وقعدت جنب حماتها وقالتلها بهدوء...
علا _
صباح الخير يا حماتي..
محاسن_
صباح النور يا بنتي منزلتيش من بدري ليه...
ردت. عليها علا بهدوء _
ما هو النهارده مش يومي في الترويق والطبيخ قولت انزل علي الغدا احسن..
اتنهدت محاسن وقالت _
لا معلش يا حبيبتي بعد كده كل يوم يطلع جوزك علي شغله تنزلي تقعدي معانا هنا تحت ولما يجي جوزك تطلعي معاه...
علا بضيق _
وليه كل ده انا بحب اقعد في شقتي...
محاسن بزعيق _
تحبي براحتك انما اللي بيتعمل هنا اللي انا احبه انتي متجوزه في بيت عيله ولازم تعملي زي ما سلايفك بيعملو..
ادايقت علا بس ردت عليها بهدوء وقالت _
حاضر يا حماتي اللي تشوفيه..
محاسن _
قومي ياختي يلا هزي طولك واعمليلنا كوبايتين شاي انا وفاطمه...
علا بنفاذ صبر _
ما فاطمه جنبك اهي يا حماتي تقوم تعمل ليكم معلش هي هتقعد يعني وانا اشتغل عندها..
محاسن پحده _
لا يا حبيبتي ياللي صحيالي بعد الضهر فاطمه هنا من صباحية ربنا بتعملي كل اللي عايزاه وشايله بنت سيد عشان امها مش فاضيه..
اتنهدت علا وقالت _
حاضر يا حماتي هقوم اعملكم شاي..
_قامت علا ودخلت المطبخ عشان تعملهم الشاي وكانت شروق جوه بس علا متكلمتش معاها خالص وبعدين فاطمه قالت لمحاسن حاجه بصوت واطي وبعد ما طلعت علا وحطتلهم الشاي قدامهم وقعدت قالت فاطمه بهدوء..
فاطمه _
حلوه اووي العبايه دي يا علا جيباها منين عشان اجيب زيها...
ردت عليها علا وقالت _
دي من عندنا في اسكندريه في واحده بتعمل الحاجات دي بالطلب مش هتلاقي زيها في المحلات..
فاطمه _
طيب هي عجباني اووي متخليكي جدعه وتديها ليا...
علا بضيق _
معلش يا فاطمه بس انا مش بحب ادي حد حاجتي ابقي لما اروح اسكندريه عند. خالتي هجيبلك وحده مقاسك..
زعقت محاسن في علا وقالت _
جرا