حماتي خلت جوزي يتجوز عليل مديرته في الشغل والسبب؟ 1
انت في الصفحة 1 من 4 صفحات
جوزي اتجوز عليا مديرته في الشغل والسبب حماتي..
حياه
لي كده ي هشام انا قصرت معاك في اي..
هشام ببرود
قصرتي في كتير الصراحه اولهم نفسك ده منظر زوجه ده كل حاجه البيت والعيال ونسيتي اني راجل وليا حقوق واحتياجات..
حياه
ده مس كلامك انت ده كلام مامتك انا حفظااه كويس وهي اللي كانت سبب انك تروح الشركه الزفت دي وتشتغل فيها...
وقبل ما احكيلكم حكايتي اعرفكم بنفسي انا حياه عندي ٢٨ سنه متجوزه من سبع سنين وعندي تلات اولاد بعد متجوزت بسنه خلفت ولدين توأم وبعدها بخمس سنين خلفت بنت زي القمر اكيد طبعا زي القمر شبهي ههههه متجوزه في شقه لوحدي بعيد عن بيت اهل جوزي وحياتي كانت حلوه بيني وبين حوزي ومحدش بيدخل بينا لحد ما في يوم..
حياه
يلا ي عمر انت ويوسف هناكل السندوتشات دي لحد ما يجي بابا ونتغدي مع بعض..
قالي يوسف
ماما عملتيلي سندوتشات تونه بالزتون..
حياه
لا دي هعملهالك في العشا تعالي كل حاجه خفيفه عشان متشبعش وتعالو وروني اخدتو اي في المدرسه..
قعدت مع ولادي واكلتهم وبعدين فضلت اذاركلهم واسعدهم انهم يخلصو كل المذاكره اللي عليهم وبعدين صحيت بنتي تيا الصغيره فدخلت الاوضه وشيلتها عشان تبطل عياط و طلعت اخدت هدوم ولادي اللي كانو بيها في المدرسه وحطيتها في الغساله عشان تتغسل وبعدين اخدت بنتي اغيرلها هدومها...
دخل هشام عند داليا المديره بتاعته اللي كان عمرها ٣٧ سنه وقالها بأحترام...
هشام
السلام عليكم ي داليا هانم...
بصتله داليا من فوق لتحت وردت عليه وقالت
وعليكم السلام ي هشام اتفضل اقعد..
قعد هشام قدامها وقال بهدوء..
هشام
انا ليا الشرف اني اشتغل عند حضرتك ي مدام داليا..
داليا
لو سمحت ي هشام بلاش الرسميات دي احنا قرايب واهل يعني تقولي ي داليا زي مانا بقولك ي هشام...
ههههه تمام ي داليا...
داليا بخبث
كده بقي نتكلم في الشغل بصراحه كده انا معنديش حد اثق فيه غيرك يمسك شغلي...
هشام
مش فاهم انا هشتغل اي بالظبط..
داليا
انت كنت بتشتغل في حسابات في الشركه القديمه صح..
رد عليها هشام
ايوه...
داليا
تمام انت هنا بقي هتمسك شغل الحسابات كله...
اتفاجي هشام وسالها
انااا
قامت داليا و وقفت قدامه وقالتله بصوت هادي...
داليا
هو انا مش قولتلك معنديش حد اثق فيه غيرك ي هشام والمنصب ده محدش يستاهله غيرك...
اتوتر هشام لما قربت منه ووقف بسرعه وبعد عنها
