جوزي طلع ابن امه وعمل فيا؟. الاول

جوزي طلع ابن امه ١...
علي 
عايزه تطلقي لي ي ايمان كل ده عشان امي اوديهالك فين بس..
ردت عليه ايمان بحزن 
مقولتلكش وديها اي مكان هي ليها شقتها وانا ليا شقتي بس منزلش عندها وعند خالتك تاني...
علي بعصبيه 
والله عال وكمان عايزه تقطعيني من امي ي ست ايمان...
السلام عليكم المشكله اللي هنتكلم فيها النهارده بتحصل كتير جدا الفتره دي في ستات كتير بتجوز ولادها وبتبقي فرحانه بيهم بس لما بتلاقيهم مبسوطين بتبدأ الغيره بقي والنفسنه وبتكون النتيجه خسارة وفراق وحزن...
و في حكايتنا النهارده هنتكلم عن مشكلة الغيره بتاعت الحموات من مرتات ولادهم وكمان الرجاله اللي ملهاش شخصيه قدام اهلها...

وقبل ما نبدأ حكايتنا اعرفكم بالبطله اللي اسمها ايمان عندها 27 سنه و بنت جدعه وطيبه وهاديه وجميله..
وفي يوم كانت قاعده مع باباها ومامتها واخوها اللي اصغر منها وبيتكلمو...
علام 
ها ي ايمان اي رئيك...
ايمان 
انا لسه مشفتوش ي بابا بعد مشوفو ابقي اقولك رأيي..
علام 
ي بنتي انا بسألك عشان ارد عليهم و اخليهم يجو تتعرفو ولا لا..
ردت سعاد مامتها المره دي وقالت 
طبعا ي علام خليهم يجو الواد وحيد امه وامه ست كبيره وكمان ليها شقتها وقاعده مع اختها يعني ليها اللي يونسها وبنتنا هتبقالها شقتها لوحدها.. 
اتكلم المره دي احمد اخوها وقال 
بس مش كان افضل ي ماما تكون شقته بعيد خالص عن مامته انا مش قصدي حاجه بس تجنبا ل المشاكل اللي ممكن تحصل...
علام بضيق 
يبني رينا ميجبش مشاكل ان شاء الله وعلي راجل كويس وشغال شغلانه محترمه وانا معنديش مانع بس القرار ل ايمان هي اللي هتقول موافقه ولا لا...
ايمان بهدوء 
اشوفه ي بابا الاول واتكلم معاه وبعدين اقولك رأيي..
سعاد بفرحه كبيره 
مستني اي ي علام رد ع الراجل قوله هات الست والدتك وتعالي ع اخر الاسبوع...
علام 
ع بركة الله وان شاء الله خير...
و بعد كام يوم جه علي العريس ومعاه مامته وخالته اللي اصغر من امه وقعدو مع اهل امال وكانو مبسوطين وفرحانين...
ام علي 
وانتي بقي ي ايمان عندك كام سنه..
ردت عليها ايمان بهدوء 
عندي 27 سنه ي طنط...
ام علي 
ومتخطبتيش قبل كده..
ردت المره دي سعاد وقالت 
لا محصلش نصيب احنا اللي مش بنلاقيه مناسب لبنتنا قبل مندخله بيتنا بنرفضه...
الخاله بهدوء 
عين العقل ي ست سعاد تقعد كده احسن متتخطب وتتفسخ...
ادايقت ايمان من كلامها اللي حست فيه بأهانه بس قالت ست كبيره وميتاخدش عليها ويمكن متقصدش وبعد شويه سابو علي وايمان مع بعض عشان يتعرفو...
علي 
واضح انك مكسوفه بزياده ي ايمان ممكن اتكلم انا الاول...
ردت عليه ايمان بتوتر 
اكيد طبعا اتفضل اتكلم سمعاك...
علي بهدوء 
انا ي ستي مهندس بترول عندي 32مليش اخوات صحابي